Now Playing Tracks

Notes about “Torrent”

مبدأيا كدة نوعين الداونلود اللي اعرفهم هما الدايركت داونلود (المباشر) زي ميديا فاير و رابد شير وآي فايل الخ.. ودا بتقدر تعملّه داونلود IDM.

النوع التاني اسمة تورنت, ودا اللي هتكلم عنّه دلوقتي عشان اغلبكو محتاج يعرف ايه هو, وبصراحة اللي مش عارفة فايتة كتير

ملف التورينت اللي بيبقى على الموقع بيبقى في الاصل موجود على سيرفر ومش بيتمسح الا لما ال(هيلث) بتاعتة تخلص يعني لما صحّتة تخلص.. ازاي؟

التورينت قايم على (ليشرز) الناس اللي بتعمل داونلود حاليا و (سيدرز) الناس اللي خلصت تحميل الملف وبدأوا في رفعة او انهم يعملوا زي انهم يسندوة

طول ما الملف ناس بتعملة داونلود كتير وناس بتعملة ابلود او سانداة ع السيرفر بيفضل موجود لاطول فترة ممكنة والهيلث بتاعتة بتفضل قوية

لان السيرفر اوتوماتيك بيشيل الملف اللي مش بيتحمل كتير اوبيترفع كتير عشان كدة محدش عايزة وملوش لازمة ف الملف لازم يكون في seeds w leechs كتير

الملف على رابد شير بيقعد 90 يوم وبيتشال اوتوماتيك حتّى لو العالم كله بيعملة داونلود التورنت العكس..طول ما في داونلود وابلود يفضل موجود

ودي ميزة انك توصل لاي فايل مرفوع بقالة سنين بس موجود عشان الناس عايزاة على عكس المواقع التانية.. اظن كدة النقطة دي وصلت

الرابد شير ينفع تدونلود منه ببلاش زي م معظمنا بيعمل, وفي بفلوس عشان يدونلود بسرعة كبيرة, التورنت بيدونلودلك بسرعة النت بتاعك..بس خد بااالك

كل ما كان عدد السيدرز كتير (اللي بيعملوا ابلود للملف بعد ما ينزل) هيجبلك سرعة النت كلها ويبقى سريع بس لو عددهم قليل خالص السرعة هتبقى صغيرة

هتكلم دلوقتي عن الفرق بين المواقع المجانية زي اللي قلتها في التويتة اللي فاتت والمواقع الخاصّة اللي بتسجيل واشتراك.

المواقع المجانية لو هتدونلود الموقع كُلّه مش هيقولّك حاجة, انما المواقع الخاصة اللي باشتراك زي ما هتاخد منهم هتدّي.. ازاي ؟

انت مثلا عملت داونلود ل 10 جيجا لازم ترفع قصادها 10 جيجا عشان يكون الحساب بتاعك ونسبتك ع الموقع متوازنة .. ازاي وليه برضو ؟

سياسة مواقع التورنت زي ما بتاخد بتدّي.. طب دلوقتي انا هبقى فاضي اعمل داونلود ولا ابلود عشان اخلي الاكاونت متوازن؟ وليه اصلا ادونلود من خاص

م ادونلود من موقع فري وخلاص .. اقوللك لا .. ميزة مواقع التورنت الخاصة ان اي فايل هتعملة داونلود هينزل معاك بسرعتك كللها مهما كان عدد السيدز

وفي ملفات معينة ممكن متلاقيهاش على مواقع فري وتلاقيها ع المواقع الخاصة..دي المميزات..انك تلاقي الفايل وسرعة الداونلود. مش هتلاقيها ف الفري

ولو انت يا معلم قعدت تدونلود من موقع برايفت كتييير, الاكاونت هيتقفل لانك ملتزمتش بقانون الاخد والعطى :D

السؤال هنا : اعمل ابلود ازاي للموقع عشان اظبط ال ratio بتاعي واخلي الاكاونت ميتقفلش ؟

برنامجين واحد اسمة ratio master والتاني اسمة  بتملى الخانات بتاعتة انك تعمل داونلود ب 20 كيلو مثلا والابلود ب 300 مثلا

في نوعين من الابلود (شرعي) ودا الحقيقي ولازم يكون عندك سيرفر او seed box و النوع التاني (عُرفي) fake مش حقيقي يعني .. ازاي ؟

انت لا عندك لا سيرفر ولا سيد بوكس هترفع ازاي؟ اكيد هتستخدم الطريق التاني غير الحقيقي الفايك .. ودا باستخدام البرنامجين اللي قلتهم قبل كدة

انت مثلا عايز تعمل ابلود لفايل مساحتة 5 جيجا.. الفايل هيترفع بكل سهولة ومش هياخد من سرعة النت بتاعتك كيلو بت واحد .. ازاي ؟

البرنامج دا بيوهم الموقع انك بترفع الفايل دا حقيقي ب 300 او 500 كيلو او واتيفر السرعة اللي هتحددها انت بمزاجك.. والعملية هتنجح :D بس خد بالك

ارفع بأقل من 800 كيلوبت ومترفعش بسرعة كبيرة اوي لفترة طويلة من الزمن عشان هتتقفش والموقع يقفلك الاكاونت برضو, متبقاش حمار وتتغابى.

دي صورة لموقع مدونلود منه ورافع عليه .. وال 54 جيجا اللي رفعتهم دول صباح الفل يعني .. fake والموقع قشطة مصدّق 

لو الداونلود والابلود قد بعد هتلاقي الريشيو بتاعي بقى 1 صحيح ولو الابلود اكتر هتلاقيه واحد بوينت كذا .. و 2 بوينت كذا ..الابلود هو الماستر

بصّوا ع الصورة اللي فاتت وشوفوا الريشيو بتاعي .914 يعني مجاتش واحد عشان الابلود اقل من الداونلود ف هو .9 منّه .. فاهمين ولا ايه ؟

To Tumblr, Love Pixel Union